1. RAZNO

Spaniš ajs

Barba Srećko za kapitana je avancal pred
dvajset i tri leta, i od tad žena sa njin
naviga. Va braku su trejset let, dece nimaju, ona
je posal pustila, i sad uživaju. More njoj
ne škodi, klimu dobro podnosi, va niš
se ne meša, ne dosađiva, ne komentira,
prijazna, ma ko da je ni.

Zna, ki je glavni, ki ča dela, kada se obedva, večera, kade se ekipa druži, ki je zač odgovoran, brodske reguli zna, do najsitnejeh detalji.
Brod čine ljudi, na njemu živeju, čuvaju ga paze i maze, bolje nego svoj dom. Gospa Ivana kako se barbina žena zove, skupa sa mužen dojde na obed, večeru, nikad niš ekstra ne išće, kabinu i saloncin od muža sama sređiva, iako bi to kamarijer moral. Za stolon va meseru sedi z mužen i kapon, malo ćakulaju. Kapo Ivo je dosta mlaji, pun rigvarda pa kako su iz istoga grada, imaju o čemu ćakulat. Po moru Iv ... (više u tiskanom i CD izdanju)