Plava vrpca
BN 222Zanji porat va Mediteranu bila je Genova, i potla nje čekal ih je New York. Pred njimi je ležalo 4.485 nautičkeh milj ke su počeli lomit po bonace
Novi brod, prava pravcata novogradnja, prvi put je došal doma. Doduše bez karga i va balastu, ali došal je va domaći porat i svi su ga jedva dočekali i znatiželjno razgledavali. Direktori, općinari, sekretari, komesari, sindikalisti, lučke vlasti, registri, običan svit... Na jednu bandu va salonu je napravljena vela fešta, govorili su se pozdravni govori, hvalospjevi, a u isto na drugoj stranu posada je krcala provištu, rezrvni kusi, gorivo, mazivo... Nima posada vrimena za feštu nikad, a pogotovo pred partencu!
Bil je to prvi kontejnerski brod va flote. Punat mu je bil kod va avionu, ostakljen okol naokol, po sredine je imel upravljački pult s komandama za manevriranje, bow thruster, timun na botuni, dva radara, dva VHF radija, giro, automatski pilot, ehosonder, weather faksimil, s leve i desne strane pulta avionske fotelje, lift ki iz makine preko pet kati vozi do punta.
... (više u tiskanom i CD izdanju)
