Only you
BN 211Znal je Vlade dobro da od muziki neće bit niš... Stareji brat je bil na studijah, mlaji va pučkoj, i sad je još samo rabilo da i on gre dugo od kuće i bude roditeljen na trošak. Trebalo je poć ča bliže.
Nakon male maturi, kako se sedmogodišnja osnovna škola zvala, Vlade se premišljal kade bi mogal nastavit školovanje. Puno toga se nudilo i ni bilo lahko odlučit se. Bilo je puno tega na ča se je moralo mislet: od onoga ča on želi i ča voli, preko blizine školi, pa sve do mogućnosti roditelji i do uspjeha na maloj mature.
Bil je Vlade dobar đak, ča je značilo da će najvjerojatnije moć birat će zanat, školu ili gimnaziju. Ali to ni bilo ono ča je Vlade otel. Na ono ča mu je najbolje hodilo, ča je najviše volel, ni smel ni pomislet. Bila je to muzika! Sanjal je o tomu kako gre va muzičku školu, a posle i na akademiju.
... (više u tiskanom i CD izdanju)
