1. Pomorska anegdota

Lopovi...

Mali je to brod, registriran za Veliku Obalnu Plovidbu..
Kasno zapolnen vezal se va Ravenne, ma porat ne dela. Večeras će otpret štivi, pokrit sa kanjarami, kako te ceradi zovu, armat deriće, i jutra jutro rabota more počet. Štivi do soljera, pune vreć očišćeneh lešnjaki, ukrcaneh va Trabzonu Turska. Večer prekrasna, vezani va samen centru, ki god more šal je na kraj.
Na pasarele spod punta na baleustru nagnjeni, drugi ofičjal Nino i Frane, drugi makine, ćakulaju, sami, neki mora brod čuvat, ukrcano ih je samo dvanajst. Vidi Frane ča ti znači bit inbarkan na malen brodu, da si na velen ovakov karag nikad ne biš imel prilike videt a kamo vozit, da ne spomenen, naranči, lemuncini, mandarini, rogači, maslinovo ulje, vino i druge blagodati iz prekrasneh i pitomeh porti Levanta. 
A pa nisan ja ni ovde videl, morda vi na kuverte ste, mi va makine nanci jednoga jedinoga lešnjaka videli nismo, odgovori Fran. Ako ćeš, zavuci se pod kanjaru, zami lešnjaki koliko voliš, ja moran barkariž čuvat, Nino će.
Na deset večeras  moran generator fermat, devet je pasalo, a i nisan vičan po ... (više u tiskanom i CD izdanju)