1. Pomorska anegdota

Kaldaji na karbun...

Stari parni brod, na karbun, još vavek naviga, ima dokumenti, svedožbi, klasu Loyda.
Va portu okolo njega se novi brodi, motorni, moderni, a on z onun visokun čiminjerun, visećun krmon, provun sa brandunon, kućicon na krme pa most odeljen od makini z štivun ku bunker zovu.

Šijuni za prirodnu ventilaciju makine, špiralj na boat deku, fineštrini okrugli, škaf va črno popituran, banja šuga va crveno, punat napol oprt. Brojil je preko četrdeset let, a lamarini bolji nego na noven brodu. Kad bi parćival i zatrubil, to se pametilo. Kad je ful vozil, osan, osan i pol milj, črni dim je z čiminjeri kuril. Ako je mora i vetra va provu ili krmu, ekipe ni lahko, galebi se dugo od šije drže.
Obišal je celu kuglu zemaljsku, stotine porti tikal, drugi svetski rat preživel, nikad havariju doživel. Sad pod stari dani stavili ga da karbun z Črnoga m ... (više u tiskanom i CD izdanju)