Gipsy Line
BN 180Brodi duge plovidbe počelo se slat po raznorazni materijal: va Ameriku po šenicu, hranu i robu,va Rusiju po topi, tenki, municiju...
Bila je to četrdeseti šesta. Drugi rat je takoreć jušto finil. Porti su još bili porušeni, brodi za rivun potopljeni, škveri uništeni, more puno min... Reklo bi se katastrofa! Brzo je počela obnova, i prvo se popravljal porat, aš on je bil najvažneji. Jedino je z brodon mogla doć pomoć ko ča su bili materijal, rezervni deli i hrana. Dizali su se potopljeni brodi z mora, popravljale porušene rivi, kod isve ono ča je va ratu porušeno i uništeno.
Obnova je dobro napredovala, iako je to neke pomalo čudilo aš sve se delalo ručno, dobrovoljno i udarnički. Malo pomalo počeli se vraćat i brodi ki su rat preživeli ploveć va savezničkimi konvoji po Atlantiku. Dve trećine ih je poptopljeno, i puno pomorci je na njimi zgubilo život. Oni keh je rat doma ćapal finili su va partizaneh, a i tamo ih je dosta poginulo. Pa i čuvena bakarska nautika je va ratu prestala delat aš su svi đaci i profesori pobigli va partizani! Oni ki su preživeli mogli su zbirat će se inbarkat na ono malo brodi ili će ostat delat na kraju. Tad su se osnivale razne agencije i brodarska poduzeća, pa su i tu lahko dobijali posal. Ma većina je jedva čekala vrnut se svojoj struke, pa su opet počeli navigat i navigaj ... (više u tiskanom i CD izdanju)
